Дзанайты Барисы разамындæй ацыд хицауады радон æмбырд

Промышленнон кондады индекс экономикон архайды фарон уыд 106%. Уыцы бæрæггæнæн нæ бæстæйы æмæ Цæгат Кавказы федералон зылды рæстæмбис нымæцтимæ абаргæйæ у уæлдæр. Хицауады æмбырды дзырдтой Цæгат Ирыстоны социалон-экономикон рæзты хатдзæгтыл. Хъæууон хæдзарады продукцийы бæрцыл бафтыд. Уымæн ахъаз у грантты хуызы æххуыс. Фарон æй райстой 80 фермерон хæдзарады. Социалон къабазы экономикæмæ инвестицитæ рахай кодтой 43 млрд сомæн. Уый 2021 азимæ абаргæйæ 8% фылдæр у. Ныхас кодтой лæггæдты хæрзхъæддзинадыл æмæ æхсæнадон транспорты куыстыл. Фæндаггаг фидынæн иугонд картæйы фæзынд бæлццæттæн уыдзæн пайда. Уæвгæ канд уыдонæн нæ, фæлæ бæлццæтææласæг компанитæн дæр.