Цæгат Ирыстоны аразынц æфсæддон службæмæ цæттæгæнæн центртæ

Цæгат Ирыстоны аразынц æфсæддон службæмæ цæттæгæнæн центртæ. Уый тыххæй фæхъусын кодта республикæйы хицауады сæрдары хæдивæг Азымты Иринæ. Республикæйы хицауады уæнгтæ видеобастдзинады фæрцы ныхас кодтой цæттæгæнæн комитеты уæнгтимæ. Се `хсæн республикæйы районты администрацийы сæргълæуджытæ. Иумæйагæй æрдзырдтой фæсивæды æфсæддон-патрионтон хъомыладыл. Уыимæ ма Фыдыбыæстæйы стыр хæсты 75 азы цæттæгæнæн мадзæлттыл. Хицауады уæнгтæ снысан кодтой сæрмагонд пълан. Бахастой йæм цалдæр хайы. Се `хсæн куыд кадджын мадзæлттæ, афтæ наукон, информацион, рауагъдон проекттæ. Социалон, культурон мадзæлттæ, æппæтуæрæсеон, æппæтадæмон æмæ республикон акцитæ. Алы мадзалмæ дæр ныридæгæн цæттæ кæнынц. Афтæ, æрæджы Рахизфарсы районы Фарныхъæуы кадджын уавæры байгом кодтой фыццаг ирон сылгоймаг- тæхæг Дауыраты Элитæйæн цыртдзæвæн. Хицауады сæрдары хæдивæг куыд загъта, афтæмæй сæйрагдæр у мадзæлттæм бæстонæй бацæттæ кæнын, цæмæй бæрзонд æмвæзадыл ацæуой. Цæттæгæнæн комитеты сæйраг нысæнттæй иу - фæсивæды æфсæддон-патриотон хъомылад. Республикæйы æнтыстджынæй рæзы "Æрыгон армионты" змæлд. Ныридæгæн дзы архайы 11 мин сывæллоны. Цæттæгæнæн комитеты рахастой уынаффæ, ацы змæлды райрæзтыл дарддæр кæй архайдзысты, цæмæй æрыгон армионты нымæц рæза. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv