Горæтгæрон районы нуазыны дон у чъизи

Горæтгæрон районы дон нуазынмæ нæ бæззы. Ахæм хатдзæгмæ прокурортæ æрцыдысты басгæрсты фæстæ. Куыд сбæрæг, афтæмæй бирæ донцъирæнты куыст санитарон домæнтæн дзуапп нæ дæтты. Афтæ, Тарскæйы дон хлоримæ цы бæстыхайы æмхæццæ кæнынц, уым хъæугæ кусæнгæрзтæ нæй. Прокуратурæйы куыд бамбарын кодтой, афтæмæй æппæт ацы аипдзинæдтæй тæссаг у дон счъизи кæнынмæ. Хъæугæ домæнтæн дзуапп нæ дæттынц Ирыхъæу, Комгæрон æмæ Михайловскæйы донцъирæнтæ дæр. Уым объекттæ ничи хъахъхъæны, уыимæ ма дзы быру ивæзт дæр нæй. Горæтгæрон районы прокуратурæ муниципалон куыстуат «Коммунреурс»-ы разамонæджы административон æгъдауæй бафхæрдзысты. Уыимæ ма ын бабар кодтой, цæмæй æппæт закъонхæлдыдтæ дæр аиуварс кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv