Цæгат Ирыстоны хатдзæгтæ скодтой операци «Контрафакт» æн

Цæгат Ирыстоны хатдзæгтæ скодтой операци «Контрафакт» -æн. Барадхъахъхъæнджытæ басгæрстой базартæ, базарадон центртæ æмæ стыр дуканитæ. Оперативон-профилактикон мадзал ацыд 10-æмæй 26-æм февралы онг. Йæ сæйраг хæс уыд интеллектуалон исбоны къабазы уагхæлдтытæ рабæрæг кæнын æмæ экономикон барадхæлдтытæ ма ’руадзын. Мæнг æмæ æнæзакъон хойрæгтæй, уыимæ алыхуызон контрафактæй фæлхасгæнджыты хъæуы бахъахъхъæнын. Рейды рæстæг рабæрæг 70 административон барадхæлды. Байгом кодтой уголовон хъуыддæгтæ, уыимæ Уæрæсейы Федерацийы Уголовон Кодексы уацтæм гæсгæ дæр. Сæ фылдæр баст уыдысты, продукци уагъд, ласт, æлхæд æмæ уæй кæй цыд æнæ сæрмагонд номимæ. Иннахæм, бирæ закъонхæлдтытæ хаудысты карз нозт æнæ сæрмагонд ном æмæ æнæ балæвæрдæй уадзын æмæ уæй кæныны тыххæй æрфыст уголовон уацтæм. Афтæмæй, 16 бонмæ пъæлицæйæгтæ рабæрæг кодтой конрафактон карз нозты 344 мин авджы, 3 753 тамакойы пачкæйы, 170 дискы кинонывтимæ, дзаума æмæ къахыдарæсы 91 мин къайы. Æдæппæтæй пъæлицæйæгтæ сбæрæг кодтой юридикон бæрнондзинад кæмæ ис, 319 ахæм амалхъом адæймаджы куыст. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv