Дзæуджыхъæуы, сывæллæтты 59-æм рæвдауæндоны хъомылгæнинæгты райсом райдыдта физкультурæйы урокæй

Дзæуджыхъæуы, сывæллæтты 59-æм рæвдауæндоны хъомылгæнинæгты райсом райдыдта физкультурæйы урокæй. Æмæ хуымæтæджы нæ. Амыдтой йæ къуххæст æмæ джиу-джитсуйы спорты хуызтæй æрыгон призертæ Санахъоты Георгий æмæ Къæбысты Олеся. Сывæллæттæ спортменты алы фæзылд дæр фæзмыдтой. Æдæппæтæй йе `нæниздзинад фæфидар кæнынмæ æрбамбырд сты 50 сывæллоны. Физкультурæйы урокы ма архайдта къуххæст æмæ джиу-джитсуйы федерацийы вице-президент Дзитойты Артур. Уый сывæллæттæн радзырдта цавæр пайдадзинад хæссы адæймагæн физкультурæйы урок. Уыимæ ма сабитæм фæсидт, цæмæй спорты хуызты хи фæлварой. Сывæллæтты рæвдауæндоны хъомылгæнинæгтæ ма архайдтой эстафетæты дæр. Ерысты архайджыты æмæ уæлахиздзауты схорзæхджын кодтой кубоктæ, майдантæ æмæ кады гæххæтытæй. Ахæм акцитæ араздзысты сывæллæтты иннæ рæвдауæндæтты дæр. Мадзал аразынц фæсивæдон политикæ, физкультурæ æмæ спорты комитеты хъæппæрисæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv