Тускъаты Таймураз радон хатт æрзылд республикæйы районтыл

Федта, арæзтадон куыстытæ дзы куыд цæуынц, уый. Фæллойгæнджытæ дзы змæлынц æхсæвæй-бонæй. Нысангонд куыд у, афтæмæй объект декабры кæронмæ сцæттæ уыдзæн. Ныридæгæн диспансеры райдыдтой мидæггаг цалцæггæнæн куыстытæ. Дзæбæхгæнæндоны бынат уыдзæн 276 рынчынæн. Уымæй уæлдай ма бабæрæг кодта национ музей. Ам дæр афæдзы кæронмæ сцæттæ кæндзысты 2000 квадратон метры равдыстытæн фæзтæ. Базылдысты фонды æвæрæнты 678 квадратон метрмæ дæр. Кусæг балцы рæстæг ма Тускъаты Таймураз бахæс кодта Дзæуджыхъæуы 27-æм скъолайы алфАмблÆйттæм æркæсын. 1-æм сентябры скъоладзаутæ бахиздзысты ахуыргæнæндоны къæсæрæй æмæ сын дзы хъуамæ æппæт фадæттæ дæр уа. Ныртæккæ куыстытæ кæронмæ фæхæццæ кæнынц. Сæ хæрзхъæддзинадæй министр разыйæ баззад. Архонкæйы та республикæйы хицауады сæрдар сбæрæг кодта, фæлладуадзæн парчы цалцæггæнæн куыстытæ куыд цæуынц, уый. Хъуамæ фæуой 12-æм сентябрмæ. Уæд Архонкæйы цæрджытæ кадджын уавæры бæрæг кæндзысты станицæйы равзæрды 180-азы юбилей. Базилдзысты, Фыдыбæстæйы Стыр хæсты чи фæмард, уыдоны номыл мемориалмæ дæр. Фæстæдæр та Тускъаты Таймураз абалц кодта Беслæн æмæ Заманхъулмæ. Сбæрæг кодта сывæллæтты бынæттон рæвдауæндæтты цæттæдзинад. Алкæцы дæр сæ у 120 бынатимæ. Хъуамæ байгом уой 4-æм сентябры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv