Ацы аз республикæйы райдадзæн фармацевтон заводы арæзтад. Егъау проект сæххæст кæнынæн мадзæлттæ дæр аразынц. Нырыккон кусæнгæрзты 100 алы хуызы цæттæ сты сæрмагонд архайдмæ. Афæдзмæ уадздзысты хосты 5 млн къоппы. Се 'хсæн онкологон низты ныхмæ ахсджиаг хостæ. Заводы арæзтад кæд райдайдзæн, уый базыдтой ме 'мкусджытæ. Фармацевтон кондады нырыккон ифтонггæрзтæ цæттæ сты. Æвæрæнты куысты æппæт къæпхæнтæн хъæугæ мигæнæнтæ дæр ис, ам сты 100 иуæгæй фылдæр. Буаргъæдтæ дистилляции æмæ хæццæ кæнынæн тæнгъæдуæттæ, конвейер æмæ автоклав. Иууылдæр сты Итали, Франци, АИШ, Бельгийы раззагдæр куыстуæтты уагъд. Æлхæд æрцыдысты санкциты агъоммæ. "ПМК-ФАРМА" æппæт ифтонггæрзтыл схардз кодта 981 млн сомы. Тæнæг буаргъæдты хуызы цыдæриддæр хостæ ис, уыдон уадзыны фадат фæзындзæн. Онкологон, бактериты ныхмæ æмæ бирæ æндæр хуызтæ. Иууылдæр хаст сты æнæмæнг хъæугæ хосты хыгъдмæ. Ныридæгæн регистрацимæ балæвæрдтой 5 препараты. Дзырдæн, хæрзхъæд хомаг ласдзысты Индийæ. Куыстуаты хъомыс уыдзæн — 5 млн къоппы афæдзмæ. Фармацевтон заводы арæзтад райдайдзæн ацы аз. Республикæйы уыдзæн фыццаг. Инвестицион проект хорзыл банымадта регионы разамонæг Сергей Меняйло. Ифтонггæрзтæ æвæрдзысты партнеры специалисттæ, ис Сомихы. Проектмæ гæсгæ, заводы архайд уыдзæн æппæтадæмон æмвæзадыл – Евразиаг экономикон цæдисы фæлгæты. Ныртæккæ куыстуаты хъæуы фармацевттæ, химиктæ, биологтæ. Æмæ ЦИПУ-йы фармацевтон факультеты байгом кæндзысты ординатурæйы ахуырадон программæ/