Джыккайты Шамил æмæ Джусойты Нафийы мысæн мадзал

Джыккайты Шамил æмæ Джусойты Нафи - адæмæн цард чи снывонд кодта, уыцы кадджындæр хистæртæ. Сæ рухс нæмттæ сын æрымысыдысты Дзæуджыхъæуы базарадон-экономикон техникумы. Номарæн мадзал сбастой сæ юбилейтимæ. Поэт æмæ фыссæгæн кад скæынмæ æрбацыдысты сæ хæлæрттæ, хæстæджытæ, ирон интеллигенцийы минæвæрттæ æмæ студенттæ. Куырыхон зондамонджыты мысыдысты хъарм ныхæстæй. Шамил æмæ Нафи алкæддæр хъуыды кодтой ирон адæмы хъысмæтыл. Сæ уацмысты æмæ се ’мдзæвгæты алкæддæр дзырдтой адæмы уæззау уавæрыл. Дзæуджыхъæуы базарадон-экономикон техникумы студенттæ бацæттæ кодтой концертон программæ. Уыимæ ма, байгом кодтой фысджыты номыл равдыст. Уазджыты ныхæстæм гæсгæ, Джыккайты Шамил æмæ Джусойты Нафи сæ фæстæ цы фæд ныууагътой, уый æрыгон фæлтæрæн фæзминагæй баззад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv