Интервью ансамбль «Æртхурон» разамонæг Бестауты Георгиимæ

Фольклорон кафты ансамбль «Æртхурон» йæхи аивæй æмæ æнтыстджынæй равдыста æппæтадæмон фестиваль «Горцы», зæгъгæ, Дагестаны. Архайдтой дзы Уæрæсейы алы къуымтæй æмæ алы бæстæтæй: Словаки, Польша, Румыни. Мах «Æртхурон» зындгонд у канд нæ республикæйы нæ, фæлæ æндæр горæтты æмæ регионты дæр. Къорд иу æмæ дыууæ хатты не ссис уæлахиздзау алыхуызон конкурсты. Азæй-азмæ йæ архайджыты `хсæн фæзыны ног курдиатджын фæсивæд. «Æртхурон» сарæзта Бестауты Георгий. Йæ райрæзтыл ын кусы 10 азы. Бирæ сывæллæттæ йæ фæрцы систы дæсны кафджытæ. Уыимæ сывæллæтты ахуыр кæны ирон культурæ уарзыныл æмæ традицитæ хъахъхъæныныл. Абон æй æрбахуыдтам нæ студимæ, цæмæй йæ базонæм, къорд йæхи фестивалы куыд равдыста, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv