«Сапицкий» кæй хонынц, уыцы парчы райдыдтой цалцæггæнæн куыстытæ

«Сапицкий» кæй хонынц, уыцы парчы сæрмагонд проектмæ гæсгæ райдыдтой цалцæггæнæн куыстытæ. Æрхъуыды йæ кодтой Дзæуджыхъæуы Рахизфарсы районы префектурæйы уæнгтæ. Йæ фарс рахæцыд горæты администрадийы сæргълæууæг Æлбегаты Барис дæр. Цалцæггæнæн куыстыты архайынц æнæнхъæлæджы уавæрты министрады, æрдзон æвæрæнты министрады æмæ «Владлес»-ы кусджытæ. Калд бæлæстæй аразынц бырутæ. Цæмæй фæлладуазджытæ сæ машинæтæ бæлæсты бынмæ ма тæрой, уый тыххæй парчы фæндаджы фæйнæ фарс специалисттæ садзынц цæджындзтæ. Сыгъдæгдзинадмæ та уæлдай цæст дарынц. Дзæуджыхъæуы рахизфарсы районы администарцийы сæрдары фыццаг хæдивæг Дзотты Ацæмæзы ныхæстæм гæсгæ, парчы алы мæй дæр зиутæ саразынц. Ацы аз æрмæст ацы паркæй аластой бырæтты 5 уæзласæн машинæйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv