Дзæуджыхъæуы доны хæдзарад куысты тæмæны бацыд

Доны хæтæлтæ цалцæг кæныны куыст цæуы Кырджалийаг уынджы. Цæмæй ацы æрдзон хорзæхæй адæм парахатæй пайда кæной, уый тыххæй кусынц рæвдз æмæ зæрдæргъæвдæй. Иутæ дзы сæ дæсныйады лыстæгдзинæдтæ зонынц сæ фондз æнгуылдзы хуызæн. Нæ абоны `рмæджы хъайтар дæр уыдонæй у. 18 азы фæллой кæны Дзæуджыхъæуы доны хæдзарады. Кад ын кæнынц йе `мкусджытæ, уый дæр сæ æнæвгъауæй ахуыр кæны йæ фæлтæрддзинадыл. Доны хæтæлтæ ногæй сцалцæг кæнын - уыцы хъуыддаг Дзæуджыхъæуы доны хæдзарады кусджытæн æнæзонгæ нæу. Объекттæн сæ фылдæр сты тынг базилинаг. Цалцæггæн куыстытæ райдайынц райсомы 8 сахатæй. Уымæ гæсгæ сын бадыны рæстæг нæ вæййы. Фæлтæрдджын кусджытæ та рæвдз цæмæ не сты?! Сæ иу у Икъоты Герасим. Йе `нæзæрдæхудт куысты тыххæй йæ ацы аз банымадтой йæ къабазы хуыздæрыл. Афæдзмæ уый равдыста иттæг хорз бæрæггæнтæ. ¤ Куыстахуыр бирæ дзураг нæ вæййы. Герасим слесырæй кусы 18-æм аз. Абоны онг ын бирæ бантыст. У хæдхæцгæ адæймаг. Æмæ куыд фæзæгъынц, кусаг лæгæн йæ фсарм дæр æгæрон у. Цалцæг кæныны куыстыты æппæты æнтыстджындæр Герасим кæй у, уый зæгъы бригадæйы хицау дæр. Хоны йæ æнæзивæг, амалхъом æмæ цæрдæг кусæг. Боны дæргъы бригадæйы кусджытæ базилынц фæйнæ 3 объектмæ. Ахæм куысты фæлладуадзæн рæстæг - кадавар у. ¤ Ныр дæр та фæлдахынц Кырджалийскийы уынджы. Кæд цæрджыты фæкъуылымпы кæнынц, уæддæр сæ адæм æмбарынц: куы нæ бакусой, уæд сæ фатерты дон нæ уыдзæн. Æмæ сын сæ куыстæн аргъ кæнынц. Дондзæуæн хызты куыстуаты специалистты сæйрагдæр хæс у аваритæ фæкъаддæр кæнын. Куыд нын радзырдтой, афтæмæй сæхиуыл нæ ауæрддзысты, æмæ сæ сæ куыст цы домы, уый æнæзивæгæй æххæст кæндзысты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv