Ивддзинæдтæ бахастой сывæллæттæн фиддонты закъонмæ

Сывæллæттæн æрвылмæйы фиддонты закъонмæ ивддзинæдтæ сфидар кодтой. Закъæттæфыссæн куысты хицауадон къамис сæ раст æмæ хъæугæйыл банымадта. Уый тыххæй хъусын кæнынц Уæрæсейы хицауады официалон сайты. Ныхас цæуы фыццаг кæнæ дыккаг сывæллоны райгуырды, кæнæ хæссынмæ райсыны фæдыл æрвылмæйон фиддонты тыххæй. Документмæ гæсгæ æххуысхъуаг бинонты цух æййафыны бæрæггæнæн схиздзæн æмæ суыдзæн, цæрынæн æппынкъаддæр цы фæрæзтæ хъæуы, уый дыууæ ахæммæ. Паддзахадон Думæйы депутаттæ сфидар кодтой закъоны проект 25-æм июны фыццаг æркасты. Се 'нæниздзинад хъыгдард кæмæн у, уыцы сывæллæтты фиддонтæ фæфылдæр уыдзысты. Премьер-министр Дмитрий Медведевы уынаффæмæ гæсгæ, дыккаг æркастмæ Уæрæсейы фæллой æмæ социалон хъахъхъæнынады министрад бацæттæ кодта æфтауинæгтæ закъоны проектмæ. Уыдонмæ гæсгæ 2020-æм азы 1-æм январæй фыццаг æмæ дыккаг сывæллонæн иу æмæ æрдæг азæй 3 азы онг æрвылмæйон фиддонтæ уыдзысты цы субъекты цæры, уым цæрынæн æппынкъаддæр бæрæггæнæны бæрц. Ацы æххуыс исын сæ бон уыдзæн, се `фтиæгтæ цæрынæн æппыкъаддæр бæрæггæнæны дыууæ бæрцæй ныллæгдæр цы бинонтæн сты, уыдон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv