Цæгат Ирыстоны 11 хъæуы ацы аз фæзындзæн ног газуадзæн хæтæлтæ

Цæгат Ирыстоны 11 хъæуы ацы аз фæзындзæн ног газуадзæн хæтæлтæ. Фыццаг афæдзы `рдæг фæнд кæнынц саразын проектон куыстытæ, иннæ афæдзы `рдæг та арæзтадон-цалцæггæнæн куыстытæ. Уый тыххæй фехъусын кодтой республикæйы цæрæнуæтты коммуналон хæдзарад, артаг æмæ энергетикæйы министрады пресс-службæйæ. Ног газуадзæн хæтæлтæ сараздзысты Джызæл æмæ Хъобаны хъæуты æрдзон газ кæм нæ уыд уыцы уынгты. Æртæ километрæй фылдæр газуадзæн хæтæл ауаддзысты Æрæфы районы, Цыколайы. Алагиры районы аиваздзысты ног газуадзæн хæтæлты 6 км. Кировы районы куыстытæ цæудзысты Комсомольскæйы хъæуы. Уымæй уæлдай профилон министрады фæнд кæнынц 15 объекты баххæст кæнын. 2019 азы сыл райдыдтой кусын. Программæйы иумæйаг бюджет у 37 милуан сомы бæрц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv