Иугонд Уæрæсейы æмæ республикæйы профцæдисты Федерацийы минæвæрттæ чысыл пациенттæн радтой лæвæрттæ

Ӕхсызгон æнкъарнтæ балӕвар кӕнын. Ӕппӕтуӕрӕсеон хӕрзаудӕн акци «Коробка храбрости»-йы фæлгæты Иугонд Уæрæсейы, партийы æвзонг Гвардийы æмæ республикæйы профцæдисты Федерацийы минæвæрттæ Республикон клиникон рынчындоны чысыл пациенттæн радтой лæвæрттæ. Акци арӕзт у, дӕргъвӕтин рæстæг чи дзæбæх кæны, уыцы æнахъомтæн æххуысæн. Мадзаларазджытæ куыд нысан кæнынц, афтӕмӕй уӕлдай ахсджиагдӕр у сывæллæтты зӕрдӕ барухс кӕнын сæ зын рæстæджы. Ӕнӕниз фидӕныл аудын, сывӕллонджын бинонтӕн социалон ӕххуыс у Иугонд Уӕрӕсейы адӕмон программӕйы сӕйраг æууæл.