Цæгат Ирыстоны ног прокурор Александр Морозовы базонгæ кодтой йе`мкусджытимæ

Уæрæсейы генералон прокуроры хæдивæг Дмитрий Демешин кусджыты базонгæ кодта Цæгат Ирыстоны ног прокуроримæ. Уый сси юстицийы 3-æм къласы паддзахадон уынаффæгæнæг Александр Морозов. Ахæм уынаффæ æрæджы бафыста Уæрæсейы президент Владимир Путин. Дмитрий Демешин куыд фæнысан кодта, афтæмæй ног разамонæджы размæ лæууы стыр хæс. Йæ куысты сæйраг нысан - республикæйы цæрджыты æууæнкдзинад прокуротурæйы кустыл фæбæрзонддæр кæнын. Кадджын мадзалы архайдтой республикæйы разамынд æмæ мидхъуыддæгты министрады кусджытæ. Цæгат Ирыстоны прокуротурæйы ног разамонæгæн арфæйы ныхæстæ ракодта республикæйы сæргълæууæг Битарты Вячеслав. Уый куыд фæнысан кодта, афтæмæй прокуроры размæ цы хæстæ вæрд ис, уыдоныл хъæуы иумæйагæй бацархайын. Уæ зæрдыл уын æрлæууын кæндзыстæм, Александр Морозов райгуырд 1975-æм азы. Каст фæци Ульяновскы паддзахадон университет, «юриспруденци». 1998-æм азы райдыдта службæ кæнын Ульяновскы облæсты прокуратурæйы. 2014-æм азы та йæ снысан кодтой Пензенски облæсты прокуроры хæдивæгæй. Александр Морозов хорзæхджынгонд у «За безупречную службу», зæгъгæ, æмæ «Уæрæсейы прокуратурæйы сгуыхт кусæджы» хæрзиуджытæй. Цæгат Ирыстоны прокуроры бынат Александр Морозов ахсдзæн 5 азы. Раздæр уыцы бынаты куыста Владимир Векшин, сентябры йæ йæ куыстæй суæгъд кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv