Абон Плиты Христофорыл сæххæст уыдаид 100 азы

Вокалон-симфонион сфæлдыстад, музыкаолон комеди æмæ опереттæ. Пианист æмæ композитор Плиты Христофоры курдиат уыд алывæрсыг. Ныффыста æмбал кæмæн нæй, ахæм 100 музыкалон уацмысæй фылдæр. Зæгъын ма хъæуы уый æмæ Плиты Христофор у фыццаг ирон оперæ «Къоста»-йы автор. Æвæццæгæн æмæ, ацы зарæг чи нæ зоны, ахæм адæймаг нæ разындзæн. Уæдæ йæ чи ныффыста, уый ном дæр зонгæ æмæ уарзон у алкæмæн дæр. Уæрæсейы Советон Цæдисы аивæдты сгуыхт архайæг, Хетæгкаты Къостайы премийы лауреат Плиты Христофор ирон культурæйы райрæзтмæ цы æвæрæн бахаста, уый у æгæрон. Курдиатджын пианист райгуырд Хуссар Ирыстоны, Ручъы. Ахуыр кодта физикон-математикон факультеты. Уыцы-иу рæстæг йæхи фæлвæрдта музыкæйы дæр. Йæ аивадон фæндаг райдыдта зарджытæ æмæ кæфтыты паддзахадон ансамблæй. Фæлæ æртæ азы фæстæ райдыдта хæст. Плиты Христофор араст Фыдыбæстæ хъахъхъæнымæ. Æрмæст къорд азтæ куы рацыд, уæд фæстæ райдыдта йæ уарзон куыст кæнын. Каст фæци Мæскуыйы консерватори, уый фæстæ та композиторты факультет. Йæ курдиат ын ахуыргæнджытæ уайтагъд раиртæстой. Йæ репертуары ис сæдæгай куысты. Алкæцы дæр сæ у мидисджын æмæ ирд. Вокалон-симфонион сфæлдыстад, музыкалон комедитæ æмæ опереттæтæ. Зындгонд композиторы сфæлдыстадон царды ахсджиаг бынат бацахста ирон литературæйы бындурæвæрæг Хетæгкаты Къоста. Йæ сфылдыстад ын тынг бирæ уарзта æмæ ныффыста фыццаг ирон опера «Къоста». Критикты хъуыдымæ гæсгæ, абон дæр у курдиатджын пианисты хуыздæр куыст. Оперæ æвæрд сценæйыл абон дæр сæвæрынц. Рагæй кæмæ æнхъæлмæ кастысты, уыцы премьерæ ацыд Мæскуыйы Стыр театры. Адæмон артисткæ Цæллагты Эмилия бацархайдта цалдæр партийы. Плиты Христофор хорз æмбæста адæмы миддуне. Уыдис фæлмæнзæрдæ, фæлæ уыцы-иу рæстæг рæстуд адæймаг. Йæ фæлтæрддзинад не 'вгъау кодта æрыгон курдиæттæн. Кæдфæндыдæр цин кодта æндæр адæймаджы æхсызгонддзинадыл. Плиты Христофор кæд абон не 'хсæн нæй, уæддæр йæ ном æмæ йе сфæлдыстад цæрдзысты æнустæм.