14-æм февратæй скъолатæ æмæ аскæуккаг ахуырады уагдæттæ райдайдзысты кусын нысангонд фæткмæ гæсгæ

14-æм февратæй скъолатæ æмæ аскæуккаг ахуырады уагдæттæ райдайдзысты кусын нысангонд фæткмæ гæсгæ. Уроктæ дистанцион хуызы нал амондзысты. Уый тыххæй фехъусын кодтой оперативон штабы æмбырды. Амыдта йæ республикæйы сæргълæууæг Сергей Меняйло. Уый хыгъд регионы разамонæг бабар кодта, æппынæдзух бæрæг кæнын, низы тыххæй скъоламæ чи нæ цæуы, уыдоны нымæц. 20%-ы онг куы æрхауа, уæд кълас, кæнæ скъола сæхгæнын карантины. Уæрæсейы фæлхасгæнджытæм цæстдарды управленийæ куыд фехъусын кодтой, афтæмæй коронавирус кæмæ рабæрæг вæййы, уыдоны нымæц къуырийы дæргъы фæкъаддæр. Сывæллæтты 'хсæн уыцы бæрæггæнæн у 67% дæлдæр. Ныртæккæ ковидимæ регионы ис 576 сывæллоны. Республикæйы къаддæр кæны æхснырсæгæй рынчынты нымæц дæр. Æнæниздзинад хъахъхъæнынады министрады хъусынгæнинагмæ гæсгæ, медицинон æххуысмæ чи фæсиды, уыдон 3,6%бæрц фæкъаддæр сты. Уый хынцгæйæ, оперативон штабы рахастой фæнд ковиды фæстæ реабилитаци сног кæныны тыххæй. Дарддæр цæуы вакцинаци, куыд хистæр кары адæм æмæ сывæллæтты 'хсæн. Æнæниздзинадмæ цæстдарды управленийæ куыд фæбæрæг кодтой, афтæмæй республикæйы дзæбæхгæнæндæтты ковид-пациенттæн ис 1098 бынаты, сæ 35% сты уæгъд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv