Барады кусджытæ раиртæстой адæмы æнæзакъон регистрацийы цаутæ

Фæлладуадзæн бонты Цæгат Ирыстоны пъæлицæйæгтæ раиртæстой фæсарæйнаг адæмы æнæзакъон регистрацийы 12 хъуыддаджы. Миграцион закъонæвæрд кæй фехæлдтой, уый тыххæй хæдзæртты хицæуттæ ныр баййафдзысты æфхæрд. Æнæзакъонæй æрфыссыны тыххæй ис ахæстоны суанг æртæ азмæ сбадын дæр. Закъонхалджыты пъæлицæйæгтæ раиртæстой оперативон-профилактикон мадзæлтты фæлгæты. Хæдзары хицæуттæ мигрантты æрфыстой иу ран, цæргæ та уыцы «туристтæ» кодтой æндæр ран. Æнæзакъон регистрацийы сæйраг нысан у æхца бакусын. Закъонхалджыты нæ бауромы, закъонмæ гæсгæ цы æфхæрд баййафдзысты, уый дæр. Хæдзары хицау иваргонд æрцæудзæн 500 мин сомы онг, æнæзакъон мигранттæ та æрвыст æрцæудзысты сæ фыдыуæзæгмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv