Сылгоймæгты Алайнаг моладзандоны равзæрдыл сæххæст 15 азы

Сбæрæг кодтой сæрмагонд бæрæгбон - Кадджын æхсин Елизаветæ Федеровнæйы æмæ Инокинья Варварæйы мысæн бон. Чырыстон диныл хæст адæм сæдæгæйттæй цыдысты моладзандонмæ, цæмæй уыцы хъизæмаргæнджытæм скувой. Хуыцаумæ куывды фæстæ, аргъуаны кæрты æрбацæуджытæ симды бацыдысты кадджын бæрæгбоны номыл. Ахæм юиблей сыл кæй æрцыди, уый моладзандоны разамонæг Багаты Ноннæ хоны Хуыцауы арфæ. Уæдмæ сæ къухы бирæ хъуыддæгтæ бафтыд. Уæлдай ахсджиаг у адæмы Хуыцаумæ уырнынад кæй фидар кæнынц, уый. Моладзандоны бæстыхæйттæ аразын райдыдтой 2002 азы Цыбыр рæстæгмæ дзы фæзынд аргъуан, фысымуат, моладзандоны æрмадзтæ, стыр хæрæндон æмæ Сывæллæтты реабилитацион центр. Уый террактты æмæ æфсæддон архайдты хъыгдард чи баййæфта, уыцы сабитæн. Маладзандон куыд рæзыди, афтæ йæ цæрджытæ дæр фылдæр кодтой. Ныртæккæ дзы ис 12 сылгоймаг маладзаны æмæ йæхи моладзандоны цæрынмæ чи цæттæ кæны, йæ цард Хуыцауæн æмæ динæн снывонд кæнынмæ чи хъавы, уыдонæй 3-йæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv