Фæстаг дзæнгæрæг

Алайнаг гимназы ахуырдзаутæн абон сарæзтой бæрæгбоны мадзал, ахуырадон аз кæй фæци, уый фæдыл. Фæстаг дзæнгæрæгмæ саккаг кодтой ЦæгАт Ирыстоны сæргълæууæг Битарты Вячеслав, Хицауады сæрдары хæдивæг Азымты Иринæ æмæ Иры Стыр Ныхасы сæрдар Кучиты Руслан. Бæрæгбоны фæдыл ахуырдзаутæн арфæйы ныхæстæ ракодтой. Сывæллæттæ бацæттæ кодтой цымыдисаг концертон программæ. Радзырдтой æмдзæвгææ æмæ акодтой зарджытæ ирон æвзагыл. Уый фæстæ сын балæвар кодтой кады гæххæттытæ æмæ лæвæрттæ. Ахæм ныхæстæй Битарты Вячеслав райдыдта Алайнаг гимназы фæстаг дзæнгæрæгы бæрæгбон. Абон скъоладзаутæ загътой фæндараст радон ахуыры азæн. Гимназ нырма 2 азы йедтæмæ нæ кусы. Фæлæ йæ ахуырдзауты æнтысдзинæдтæ бæрæг сты республикæйы æндæр скъолаты хсæн дæр. Кадджын мадзалы сывæллæтты схорзæхджын кодтой кады гæххæтытæй. Райстой сæ Æппæтдунеон æхсæнадон змæлд «Иры Стыр ныхас»-ы сæрдар Кучиты Русланы къухæй. Уый куыд фæбæрæг кодта, афтæмæй Алайнаг гимназ стыр æвæрæн хæссы ахуырдзауты сæ саби-бонтæй ирон æвзагмæ æнувыд кæнын. Гиназы ныртæккæ ахуыр кæны 100 ахуырдзауы. Уыдонæй 3 сты фыццаг кълæстæ,дыууæ та дыккаг. Ног ахуыры азмæ дæр ныридæгæн даргъ номхыгъд æрымбырд, ардæм кæй фæнды æрбацæуын, уыдонæй. Уый та у фыццаджыдæр ахуыргæнджыты хор куысты æвдисæн. Гимназы сæйраг нысан æнæуи дæр ахæм у – сывæллæтты æргом мадæлон æвзагмæ раздахын. Æмæ куыст æнтыстджынæй кæй кæнынц, уымæн æвдисæн сси Фæстаг Дзæнгæрæджы бæрæгбон дæр. Сывæллæттæ кадджын уазджытæн бацæттæ кодтой кæфтытæ, зарджытæ æмæ æмдзæвгæтæ. Алцы дæр ирон æзагыл. Ацы ахуыргæнæндоны нырма дзæвгар бирæ азæлдзæн дзæнгæрæг.  Уæдæ сабитæн та фæстаг у, зæгъгæ, зæгъæн нæй. Дарддæр сæм æнхъæлмæ кæсы 3 мæйы улæфæн бонмæ. Сæрды сæ фæллад суаддзысты æмæ та ног тыхтимæ зонындзинæдтæ фылдæр кæндзысты. Семæ та сентябыры гимназы къæсæрыл æрбахиздзысты ног скъоладзаутæ дæр. Суинаг фæсивæды ног фæлтæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv