Залина Техова - Лӕджы фӕндаг | Поют Осетины

Лӕджы фӕндаг - Залина Техова слова: Сергей Хачиров музыка: Sauassa (Светлана Харебова) Лæджы фæндаг, уæззау фæндаг Лæг сомбонмæ йæ риуæмбæрц лæгæрды. Кæдæм тæппуд æнæуæндаг Зымæджы нæ, — сæрды дæр нæ уæнды. Карстон æз ууылты æдзух Хъызт зымæгæн йæ тæккæ карзы. Зындæр бæрзæндтыл авæрдтон мæ къух — Уæд-иу мæ цардæй разы уыдтæн, разы. Нæ зæгъын раскъæфтон, мæ Ир, Æз Авд хойы кæстæры арвы риуæй. Æз дæн дæ быдыры æфсир, Æмæ цæрын дæ маст æмæ дæ цинæй. Мæнæн Хуыцау куы зæгъид: «Ног Лæгъз фæндæгтыл ды барвæндонæй атæх, Æмæ уыдзынæ усгурау æвзонг, Рæвдаудзæн дæу йæ буц хъæбулау а зæхх» — Зæгъин Хуыцауæн дæр æргом, «Æнцон фæндæгтыл абон лæг куыд уайа? Æз равзæрстон зындзинæдты æргъом, Цæмæй Ирыстоныл сæрибар райа». Поют Осетины / Ossetians Sing / Зарынч Ирæттæ