Дзæуджыхъæуы арæзт æрцыд номарæн наукон конференци

Цæгат Ирыстоны паддзахадон университеты арæзт æрцыд номарæн наукон конференци. Сарæзтой йæ зындгонд профессор Блиты Маркы райгуырды 90 азы кадæн. Уый уыдис номдзыд Уæрæсейаг æмæ ирон историк, историон наукæты доктор, Цæгат Ирыстоны паддзахадон университеты профессор, нæ республикæйы истори æмæ археологийы институты директор. Блиты Марк, Кавказы истори чи иртæста, уыцы ахуыргæндты `хсæн нымад уыд сæ кадджындæрыл. Мадзал аразджытæ уыдысты паддзахадон университет, стæй Цæгат Ирыстоны истори æмæ археологийы институт. Конференцийы ма нæ республикæйы ахуыргæндтæй уæлдай архайдтой, Уæрæсейы наукæты академийы археологи, истори, этнологи æмæ антропологийы институты, Цæгат Кавказы федералон æмæ Хуссар Ирыстоны паддзахадон университеты минæвæрттæ. Конференцийы программæйы ма наукон докладтæй уæлдай уыд Аланийы рагзаманты музеймæ балц. Цæгат Ирыстоны паддзахадон университеты профессор Бзарты Руслан куыд загъта, афтæмæй æрмæст Блиты Марк уыцы музей саразынмæ бахаста стыр æвæрæн. Уæвгæ, канд уымæ нæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv