Гуырæнбоны арфæтæ куырыхон хистæрæн. Суворовы номыл училищæйы курсанттæ æцæг парад бацæттæ кодтой Фыдыбæстæйы Стыр хæсты ветеран Пагæты Алыксандрæн. Хъæбатыр æфсæддоныл сæххæст 98 азы. Кадджын цыдӕй курсанттæ рацыдысты, ветеран кæм цæры, уыцы хæдзары кæрты. Æфсæддон æгъдау куыд амоны, афтæ, кады нысан дæтгæйæ, рæнхъыты цыдысты æвзонг фæсивæд. Уæвгæ, ахæм патриотон акцитæ фыццаг хатт арæзт нæ цæуынц. Курсантты ротæйы къамандыгæнæг куыд фæнысан кодта, афтæмæй фæсивд хъуамæ хъуыды кæной нæ хъæбатыр истори.