Гыццыл чызджы ирвæзынгæнджытæ

Æнæнхъæлæджы уавæрты министрады хæдтæхæг абон Тюменæй фæстæмæ Дзæуджыхъæумæ сласта цæгатирыстойнаг 3-аздзыд чызджы. Дохтыртæ йын йæ сæрымагъзыл скодтой уæззау операци. Куыд ма хъусын кодтам, афтæмæй гыццыл чызджы сæры уыд стыр рæсыд, улæфын æмæ йæ ныхъуырын нæ уагъта. Йæ ралыг кæнынмæ сæ ныфс бахастой æрмæстдæр Тюмены нейрохирургион федералон центры. Уый размæ ма хирург Альберт Суфианов кодта ахæм операци. Рауад æнтыстджын. Не `мзæххон чызджы бинонтæ уый куы базыдтой, уæд центрмæ курдиат арвыстой. Гыццыл Миланæйæн операци кодтой 10 сахаты. Ныртæккæ сывæллон йæхи хорз æнкъары. Дарддæр ын республикæйы кæндзысты реабилитацион мадзæлттæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv