Æппæргæ æви куыд?

Ног азы бæрæгбон фæсте аззад æмæ нæ горæты бырондæттæ, фæндæгты былгæрæттæ байдзаг сты заз бæлæстæй. Ахæм хуызы Ног Азы фидауцæй фервæзынæн спайда кæнынц нæ республикæйы цæрджытæ. Дунейы стыр горæтты ис сæрмагонд службæтæ, кæцытæ бæрæгбоны фæстæ æрзилынц æмæ бæлæстæ æрæмбырд кæнынц. Дарддæр та сыл ногæй бакусынц. Саразынц дзы хъацæнтæ хъæууон хæдзарадæн, артаг æмæ аивгæнæн ахорæнтæ. Суанг ма дзы хостæ дæр рауадзынц. Хъыгагæн, Уæрæсейы ахæм мадзæлттæ арæх не`сты. Нæ бæстæйы уыцы фарста у æркæсинаг. Фæлæ нæм ахæм цæрджытæ дæр ис, заз бæлæс æппарыны бæсты, дзы раст чи спайда кæны, ахæмтæ. Зæгъæм бирæтæ, ног талатæ бамбæрзынц бæласы къалиутæй, зымæгон уазалттæй бахъахъхъæнынæн. Саив ма дзы кæнынц хæдзары сæртæ дæр. Фæлæ, хъыгагæн, фылдæр адæм ахуыр сты бæрæгбоны фæстæ заз бæлас бырондонмæ æппарыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv