Цæгат Ирыстоны ныффыстой Æппæтуæрæсеон географион диктант

Географион диктант ныффысынæн Цæгат Ирыстоны байгом кодтой æппæты фылдæр сæрмагонд фæзтæ. Акци ацыд Уæрæсейы æппæт регионты æмæ ма фæсарæнты дæр. Географион диктант фыссыны хъæппæрис разынд нæ бæстæйы президент Владимир Путинмæ. Йæ аразджытæ сты Уырыссыг географион æхсæнад. Цæуы 5-æм хат. Нæ республикæйы йæ фыстой 57 раны. Фарон азимæ абаргæйæ дыууæ хатты фылдæр у. Аразджыты ныхæстæм гæсгæ, рæстæмбис бæрæггæнæнты бæрц у 54 баллæй фылдæр. Ацы аз ма диктант бирæтæ фыстой онлайн. Йæ зонындзинæдтæ сбæрæг кодта Уæрæсейы Географион Æхсæнады регионалон хайады сæрдар Огъуаты Алан. Æппæты фылдæр адæм диктант ныффыстой Цæгат Ирыстоны Паддзахадон Университеты. Акцийы бацархайыны фадат уыд алкæмæн дæр. Ацы аз æм бахастой ивддзинæдтæ. Фæрстытæ адих кодтой 2 хайыл. Фыццаг хайы - 10 хуымæтæг фарсты, дзуапп æнцон раттын кæмæн у, ахæмтæ. Дыккаг хайы та - 30 зын фарсты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv