Алагиры дзулфыцæн завод ногæй кусын райдайдзæн

Алагиры дзулфыцæн завод ногæй кусын райдайдзæн. Уый тыххæй хъæппæрис бахаста хъæууон-хæдзарадон кооператив «Алания продукт». Завод ис Алагиры администрацийы бæрны. Амалхъом адæмæн æххуыс кæныны закъонмæ гæсгæ, администраци бацæттæ кодта хаццоны цы объекттæ раттæн ис, уыдоны хыгъд. Алагиры дзулфыцæн завод дæр бахауд уыцы номхыгъдмæ. Цæгат Ирыстоны амалхъом адæмы æмбырды æмсæрдар Цæгæраты Русланы ныхæстæм гæсгæ, дзулфыцæн завод йæ куыст куы сног кæна, уæд йæ кодндадæй дзаг кæндзысты канд Алагир нæ, фæлæ ма æгас республикæйыл. Ахæм фадæттæ фæзындзæн æмбæлгæ кусæнгæрзтæй ифтонг куы æрцæуа, уæд. Уыимæ ма, фæдзындзæн ног куысты бынæттæ дæр. Ныртæккæ ууыл цæуы æмбæлгæ куыст хицауад æмæ профилон министрады`хсæн. Алагиры дзулфыцæн завод ныр 5 азы дæргъы нæ кусы. Районы администрацийы куыд зæгъынц, афтæмæй фæстаг рæстæг цы продукци уагъта, уый куыстуаты хæрдзты фаг дæр нал кодта. Уыимæ ма, цы кусæнгæрзтæй дзы пайда кодтой, уыдон дæр нырыккон домæнтæн дзуапп нал лæвæрдтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv