Дæсныйадыл æнувыд

Йæ дæсныйадыл æнувыд кæй у уый тыххæй Касаты Аланы схорзæхджын кодтой премийæ «Золотое перо России», зæгъгæ. Газет «Северная Осетия»-йы раздæры сæйраг редактор Касаты Алан ныртæккæ у Уæрæсейы адæмон хæдзарад æмæ паддзахадон академийы сайты разамонæг. Не `мзæххонимæ преми райстой 4 адæймаджы: амонæг Ирада Зейналова, «Business FM»-ы сæйраг редактор Илья Копелевич, фыссæг Дмитрий Соколов-Митрич æмæ уацхæссæг Юрий Феклистов. Касаты Аланы банымадтой дæсны экспертыл Кавказы фарстаты фæдыл. Хорз æмбары адæмыхæттыты `хсæн ахастдзинæдтæ, у курдиатджын журналист. Преми раттыны размæ Касаты Аланы тыххæй бацæттæ кодтой видеоæрмæг. Уым радзырдтой «Независимая газета»-йы йын æрмæджытæ мыхуыргонд уыд, уыдон кæй кастысты дунейы зындгонддæр политиктæ. Кадджын мадзал сарæзтой Мæскуыйы. Сбастой йæ «Уæрæсейы журналистты цæдис»-ы сæдæ азы юбилеимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv