2024-æм азæй бæстæйы уæлдæр ахуыргæнæндæтты фæфылдæр уыдзæн бюджетон бынæтты нымæц

Иннæ аз Уæрæсейы уæлдæр ахуыргæнæндæтты бюджетон бынæтты нымæц уыдзæн 591 мин 967, уый ацы азимæ абаргæйæ у 1 мин 811 бынаты фылдæр. Ахæм бæрæггæнæн сфидар кодта Хицауады цур ахуырадон программæтæм гæсгæ ахуырадмæ исыны æмæ пълан кæныны координацион совет. "Бюджетон бынæтты нымæц фæфылдæр уыдзæн инженертæ цæттæгæнæн программæтæм гæсгæ, сæ нымæцыл ма бафтдзæн 2281 бынаты. Уый руаджы бантысдзæн кадртæй баххæст кæнын технологон куыстуæттæ - уый та у, Президент хицауады размæ цы хæстæ сæвæрдта, уыдонæй иу", загъта вице-премьер Дмитрий Чернышенко. Бюджетон бынæтты нымæц фæфылдæр уыдзæн ахуырады æндæр къабæзты дæр - "Ӕнæниздзинадхъахъхъæнынад æмæ медицинон зонадтæ", "машиноаразынад", "информатикæ æмæ нымайæн техникæ", "электро æмæ хъармгæнæн энергетикæ", "биологон зонадтæ", "электроникæ, радиоэлектроникæ æмæ бастдзинады системæтæ", "информацион æдасдзинад", "математикæ æмæ æрдззонынад", "хъæууон хæдзарад". 1-æм ноябырæй уæлдæр ахуыргæнæндæттæн сæ бон уыдзæн дæттын курдиæттæ. 1-æм декабры та Ахуырад æмæ наукæйы министрад скæндзæн хатдзæгтæ æмæ адих кæндзæн бынæттæ.