Ног фæзилæн

Цъыккаты Владимиры уголовон хъуыддаджы азымджын кæй кæнынц, уыдоны фарсхæцджытæ тæрхондонæй ракуырдтой аххос дарыны æрмæджытæй иуæй-иутæ хъуыддагæй сисын. Ахæм хъуыды раргом кодта Дзампаты Оледжы адвокат. Куыд зæгъы, афтæмæй уыцы æрмæджытæ слестгæнджыты къухы закъоны бындурыл нæ бафтыдысты. Ныхас цæуы æвдисæнты раныхæстыл æмæ экспертизæйы хатдзæгтыл. Азымджынты адвокатты ма фæнды Цъыккаты Владимиры мард басгарыны тæрхондоны акт дæр уголовон хъуыддагæй сисын. Раст ма сæм нæ кæсы уый дæр, æмæ развæлгъауы слестгæнæн мадзæлттæ рæдыдтытимæ конд кæй уыдысты. Уый нæ, фæлæ, дам, азымы дарæг хатдзæг дæр раст конд нæу. Ахæм хъуыддаджы фæстæ Цъыккаты Владимиры бинойнаджы адвокат тæрхондонæй рæстæг ракуырдта, цæмæй сыл ахъуыды, кæной. Сæ хъуыдытæ дæр уæд раргом кæндзысты. Радон хатт тæрхондоны æмбырд уыдзæн 30-æм январы. Райдайдзæн 11 сахаты æмæ 30 минутыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv