Зонындзинæдтæм фæндаг ног скъолайы

Арæзтадон куыстыты фæстæ дзы байгом скъола. Сарæзтой йæ кодтой федералон программæмæ гæсгæ. 150 ахуыргæнинагæй фылдæр саккаг кодтой абон ахуыргæнæндонмæ. Алы къласы интерактивон фæйнæг, акустикон системæ æмæ интернет... Алцыдæр конд у домæнтæм гæсгæ. Аразджытæ сæ зæрдыл дардтой æмæ сæххæст кодтой æппæт фиппаинæгтæ. Биологи æмæ химийы кълæсты – нымæцон лабораторитæ. Ныййарджытæ зæгъынц, ахæм скъолайы ахуыр кæнынмæ сæхæдæг дæр разы сты. Цалцæггæнæн куыстытæн фæрæзтæ радих кодтой «Ахуырады райрæзт»-ы программæ гæсгæ. Уыдонæй 174 милуан сомы – федералон бьюджетæй, 17 – та республикон. Æнæбюджетон æхцаты бæрц та уыд 33 милуан сомы æмæ сæ схардз кодтой скъолайы ифтонгдзинадыл. Ныр хуыргæнæндоны суазæг кæндзысты 360 сывæллоны. 6 мæймæ йæ кæй сарæзтой, уый бирæты нæ уырны. Хъæуы цæрджытæ зæгъынц – сывæллæтты æмæ ныййарджыты рагон бæллиц сæххæст. Ахуыргæнджытæн та – ацы цау дывæр бæрæгбон у. Нафиты Хетæг йæхи нæ баурæдта æмæ ног скъола байгом кæныны размæ æрзылд бæстыхайыл. Иунæг къуырм дæр ын æнæ сгæрстæй нæ баззад. Ныр фидарæй зæгъы: «Ног ахуыры къуыри кæд райдайдзæн, уымæ тынг æнхъæлмæ кæсын. Ам ахуыр кæнын мын ноджы цымыдисаг дæр уыдзæн». Кадджын мадзал кæромæ æрхæццæ. Бæрæгбон фæци, фæлæ скъоладзауты цин нæ мынæг кæны. Зæрдиагæй тырнынц зонындзинæдтæм. Æрлæууыдсты ахуыры фæндагыл æмæ йыл уæндон къахдзæфтæ кæндзысты ног уæлахизтæм æмæ ног циндзинæдтæм. Скъоладзутæ сæхæдæг æмбарынц – æвзæр бæрæггæнæнтæ исыны бар цын нал ис. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv