Цæгат Ирыстонмæ Президенты грантты фонды фæрæзтæй æрбафтыд æппæты фылдæр

Цæгат Ирыстонмæ Президенты грантты фонды фæрæзтæй æрбафтыд æппæты фылдæр. Уыцы бæрæггæнæнмæ гæсгæ нæ республикæ Цæгат Кавказы федералон зылды регионты ’хсæн ахсы фыццаг бынат. Æркасты хатдзæгтæ сбæрæг кодтой бон раздæр. Нæ республикæйы 9 æнæкоммерцион организацийы сæ проекттæ æххæст кæнынæн паддзахадæй æмткæй райсгæйæ райсдзысты 22,9 милуан сомы. Фонды координацион комитет хицæнæй фæбæрæг кодта организацитæ «Родовые башни», «Благодать», «Портал», «Аланика», «Искусство, наука и спорт», «Быть добру», «Алания», «Уæрæсейы сывæллæтты фонды» хайад, национ спорты хуызтæ, мас-рестлинг æмæ культурæйы федераци. Сæ хъуыдытæ иумæйагæй агайынц æхсæнады алыхуызон къабæзтæ: се 'нæниздзинад хъыгдард кæмæн у æмæ сидзæр сывæллæтты социалон-психологон реабилитаци, экстремизмы ныхмæ рухстауынадон куыст фæсивæды ’хсæн, лыгъд адæмы бинонтæн æххуыс кæнын, этно-культурон æхсæнадон бæстыхай саразын, национ æрмдæсныйæдтæ раздахын, ахуырадон-культурон равдыстыты центр сырæзын кæнын æмæ æндæртæ. Гранттæн сæ æппынкъаддæры бæрц у 500 мин соммæ хæстæг. Æппæты фылдæр грант та у - 6,5 милуан сомы. Уымæй уæлдай ма, программæмæ гæсгæ, организацитæ сæхæдæг дæр хи фæрæзтæ хъуамæ схардз кæной. Æдæппæтæй Цæгат Ирыстонæй ацы аз Президенты грантты фондмæ балæвæрдтой 29 проекты. Паддзахад дзы се ’рттыккаг хайæн дæтты æххуыс. Зæгъын ма хъæуы уый, æмæ 2020-æм азы президенты грант рамбулынмæ ныридæгæн курдиат бадæттæн ис. Ахæм фадат уыдзæн ацы азы 25-æм ноябрмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv