200 студентæй фылдæр сæрдыгон практикæ ацæудзысты Норильскы егъаудæр куыстуæтты. Ам ныффидар кæндзысты сæ зонындзинæдтæ. Республикæйы арæзтадон къорд у Уæрæсейы æппæты егъаудæр. Специалисттæ æххуыс кодтой Сочи, Космодром «Восточный»-ы объекттæ аразын æмæ æндæр егъау проекттæ æххæст кæныны мадзæлтты. Металлургтæ, амайджытæ, электромеханиктæ. Цæгат Кавказы хæххон-муталлургон институт æмæ профилон колледжтæй 216 хуыздæр студенты. Сæ зонындзинадтæ практикæйы фӕрцы ныффидар кæндзысты. Ахæм фадат сын ис бæстæйы егъаудæр куыстуæттæй иуы –  Норильскы. Кодзаты Сослан ахуыртæм ныр ацæудзæн дыккаг хатт. «Ахæм хорз гæнæн ауадзын кæй бафæнддзæн?» – Зæгъы лæппу.  Норильск у дунейы æппæты цæгатаг горæт. Уæдæ йæ климæт дæр у карз. Фæлæ ахæм уавæр фæсивæды нæ уромы. Уæлдай дæр та сæ æмкурсонтæ сæ фарсмæ. 50 азæй фылдæрмæ ардæм чысыл ивддзинæдтæ хаст не 'рцыд. Хъахъхъæд æрцыд куыстуатмæ бахауыны фæтк. Практикæ æнтыстджынæй ацæуын æмæ бæстæйы раззагдæр куыстуæттæм бахауын æнцон нæу. Æнæмæнг у сесси рагацау радтын хорз бæрæггæнæнтыл. Бирæ рауагъдонтæн бантысы бæрзонд къæпхæнтæм схизын. Аргъ сын кæнынц фæсарæнты дæр. Цæгатирыстойнаг арæзтадон къорд у нæ бæстæйы æппæты егъаудæр. Практикæ ахæссы 4 мæйы. Арæх специалисттæ баззайынц бынаты кусгæйæ. Нæ фæсивæды фæлтæрддзинад æмæ зонындзинæдтæн стыр аргъ кæнынц. Æххуыс кодтой Сочийы олимпаг объекттæ æмæ космодром «Восточный», уыимæ æндæр егъау проекттæ аразыны мадзæлтты. Студентты афæндараст кодтой кадджын уавæры. Фæсивæд абалц кæндзысты Красноярскы краймæ. Фæндаг æмæ цæрæнбынатæн æппæт хæрдзтæ дæр йæхимæ райста куыстуат. Уæлдæр ахуырадон уагдоны разамынд фæнысан кодта, студентты фæллойадон къордтæн кӕй фидардæр кæны сæ дæсныдзинад, уымæй уæлдай райсынц ирд æнкъарæнтæ.