Йæ хуыз аивта

Республикон дзæбæхгæнæндон «Юность»-ы иу мæймæ ивд æрцыдысты рудзгуытæ æмæ дуæрттæ. Ныртæккæ мидæгæй цæуынц аивгæнæн куыстытæ. Республикæйы бюджетæй цы æхцайы фæрæзтæ радих кодтой уыдонæй саив кодтой физиотерапийæйы кабинет. Физиопроцедурæтæ кæнынæн балхæдтой ног аппараттæ. Банывыл кодтой бæстыхайы æддаг бакаст дæр. Дзæбæхгæнæндоны кæрты сæвæрдтой бандæттæ, пандус, базылдысты сæрдыгон улæфынæн бадæн бынæттæм. Куыстыты хæрзхъæддзинад федта республикæйы æнæниздзинад хъахъхъæныны министр Михаил Ратманов. Æркаст корпусмæ, бабæрæг кодта палатæтæ. Куыстытæй зæрдæ райы. Санаторийы разамынд йæ размæ æвæры цалцæггæнæг куыстытæ дарддæр ахæццæ кæныны нысæнттæ. Фидæны бæстыхайы баивдзысты дондзæуæн æмæ чъизи дæттæ кæуылты цæуынц, уыцы хæтæлтæ. Электрон ифтонгарз дæр хъæуы ногмæ раивын. «Юность»-ы дзæбæхгæнæдон иу фæлтæрмæ райсы 100 сывæллоны. Рынчынтæн саразынц физио-процедурæтæ, парафино-терапийæтæ æмæ массажтæ. Йæ астæуы стæг кæмæн риссы æмæ хи гъдауæй йæ бон цæуын кæмæн нæу уыдоны уавæр уагдоны хуыздæр кæнынц. 16 азы кæуыл нæма цæуы ахæм сывæллæтты рыст санаторийы дохтыртæ сæхимæ райсынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv