Фыранктæм цæстдарды системæ сифтонг кодтой ахуыргæндтæ

Фыранктæм цæстдарды, геоинформацион системæ сифтонг кодтой цæгатирыстойнаг ахуыргæндтæ. Уый руаджы бæрæггæнæнтæ æмбырд кæныны кæуыст цифровизацигонд æрцæудзæн. Уыимæ ма пайда уыдзæн экспедициты рæстæг дæр сæрмагонд куыст кæнын æмæ сырдты хъуырылдаргæ цæгтæ, стæй камерæты бæрæггæнæнтæ иртасын. Уый тыххæй фехъусын кодта Экологи æмæ эволюцийы институт æмæ куыстуат «Рус-Гидро»-йы сæрмагонд проекты разамонг Артур Алибеков. Йæ ныхæстæм гæсгæ, ног системæ сфидар кæныны тыххæй æрхъуыды кодтой сæрмагонд программæ дæр. Уый фæрцы, цыдæриддæр бæрæггæнæнтæ ис, уыдон иугонд хыгъдмæ цæудзысты. Ахæм гæнæнтæ ахаддзысты куыстæн йæ рæстæг фæкъаддæр кæныныл. Цифравизацигонд цы иртæстытæ æрцæудзысты, уымæн хатдзæгтæ кæндзысты æндæр специалисттæ дæр. Геоинформацион системæйыл бакуыстой Уæрæсейы наукæты академийы уæнгтæ. Ныртæккæ программæйы кусынц фæлварæны хуызы. Уыимæ ма специалисттæ фæнд кæнынц видео цæстдарæн камерæтæ раивын. Уыдонæй базилдзысты 75-мæ. Уыцы экспедици хъуамæ фæуа октябры кæрон. Артур Алибеков ма куыд бафиппайдта, афтæмæй фыранк Эльбрусы ссарыныл дæр сæ ныфс ис. Уый 2017 азы, иннæ фыранк Волнаимæ рауагътой æрдзмæ. Раздæр ма уын куыд хъусын кодтам, афтæмæй 2020-æм азы фыранкты нымæц фæфылдæр кæндзысты. Сочийы центрæй æрбаласдзысты 5 фыранчы. Рагагъоммæйы бæрæггæнæнтæм гæсгæ, 3-йы дзы рауаддзысты Кавказы биосферон фæдзæхст ранмæ. Иннæты та Цæгат Ирыстоны æрдзмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv