Цæгат Ирыстоны дарддæр иуварс кæнынц æвзæр боныхъæды фæстиуджытæ. Аварион службæтæ куыстой æнæхъæн æхсæв. 15 раны æртыдтой электрон тыхы телтæ, 30 бирæфатерон хæдзары æмæ 20 хи хæдзæры баззадысты æнæ рухсæй. Боныцъӕхтӕм авариты фылдæр хай аиуварс кодтой. Горæты уынгтæй айстой дымгæ цы бæлæсты стыдта, уыдон. Ныртæккæ 5 бынаты специалисттæ архайынц электрон тых раттыныл, уыимæ хъгдæрд баййæфтой дондзæуæн хызæгтæ дæр. Уыдон сног кæныныл дæр дзуапдæттæг ведомство кусы. Донцъирæнтæ цалцæг кæнынц Ираныхъæуы æмæ Южный поселочы. Уымæй уæлдай ма æрдзон фыдбылызы фæстиуджытæ иуварс кæнынц Джызæл, Кæрдзын æмæ Мустыздæхы. Фæндаггон службæтæ сыгъдæг кæнынц Æрыдон æмæ Дигорайы 'хсæн фæндаг. Дыгуры районы хъæууонхæдзарадон быдырты ницыуал баззад. Ацы аз тыллæг мæ нал æнхъæлмæ кæсынц зæхкусджытæ. Дзæуджыхъæуы сыгъдæг кæнынц къæвдайы донæмбырдгæнæнтӕ. Æдæппæтæй горæты сты 3 минмæ хæстæг. Зноны къæвдаты фæстæ сæ фылдæр сты быронæй дзаг. Уæ зæрдыл уын æрлæууын кæндзыстæм, æвзæр боныхъæды аххосæй горæты нысангонд кӕй æрцыд цæттæдзинады уæлдæр къæпхæн.