РЦИ-Аланийы прокуратурæйы æрныхас кодтой паддзахадон æмæ муниципалон лæггæдтæ аразыныл

Уымæй уæлдай ма, республикæйы прокуратурæйы æрныхас кодтой паддзахадон æмæ муниципалон лæггæдтæ аразыны къабазы закъонтæ куыд кусынц, уый тыххæй дæр. Уый фæдыл сарæзтой уагдæтты ‘хсæн сæрмагонд æмбырд. Амыдта йæ республикæйы прокуроры хæдивæг Дмитрий Загоруйко. Мадзалы бацархайдта республикæйы сæргълæууæг æмæ хицауады администрацийы паддзахадон-бардæттæг управленийы разамонæг Плиты Маринæ, экономикон рæзты министр Томайты Хъазыбег, амалхъом адæмы бартæ хъахъхъæнæг Медойты Тимур, информацион технологитæ æмæ бастдзинады управленийы сæргълæууæг Сæлбиты Алан æмæ районты прокурортæ. Æмбырды ныхас кодтой, прокуратурæ хицауады иннæ органтимæ куыд æмгуыст кæны паддзахадон æмæ муниципалон лæггæдтæ дæттыны фарстайы, ууыл. Прокуратурæ цы уынаффæтæ рахаста, уыдонмæ гæсгæ бирæ уагдæтты паддзахадон лæггæдтæ аразыны административон регламенттæ аивтой. Уыимæ ныртæккæ республикæйы паддзахадон æмæ муниципалон лæггæдтæ иу ран чи исы, ахæм цæрджыты нымæц у гыццыл. Уыдонимæ лæггæдтæ электрон хуызы чи исы, ахæмтæ дæр. Прокуратурæйы сгæрстытæ рабæрæг кодтой паддзахадон æмæ муниципалон лæггæдтæ арарзыны бирæ уагхæлдтытæ. Зæгъæм, лæггæдтæ аразыны фæтк раст нæ уыд, кæнæ сæ цы ‘мгъуыдмæ хъуамæ скодтаиккой, уый æххæстгонд нæ цыд. Æмбырды хатдзæгтæм гæсгæ, архайджытæ сбæлвырд кодтой паддзахадон æмæ муниципалон лæггæдтæ аразыны куысты ног мадзæлттæ, цæмæй дзы закъонхæлдтæ ма цæуа. 2019 азы 3-æм кварталы кæронмæ æмбырды архайджытæ бакусдзысты ацы къабазы нормативон базæйыл кæронмæ бакусын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv