Сывæллæты лагерь байгом

11-æм июны Фиагдоны сывæллæтты лагерь «Металлург» байгом кодта йæ дуæрттæ сабиты фыццаг къордæн. Ахæм фæтк ам фидаргонд у ныр 55 азы. Уымæ гæсгæ ацы каникултæм уæлдай хуыздæр бацæттæ кодтой сæхи. Сывæллæттæ хъуамæ разыйæ баззайой. Уымæн æвдисæн ссис не `сфæлдыстадон къорд. Фыццаг къорд – нæ республикæйы 180 амондджын сывæллоны. 7 азæй – 14 азы онг. Цалдæр сахаты йеддæмæ нæма сты ам, фæлæ ныридæгæн ахæлæрттæ сты кæрæдзиимæ. Иумæ хъазынц, худынц, сæ рæстæг рæсугъдæй æрвитынц. Нудæс боны – сæрмагонд уавæрты. Сывæллæты лагеры чи улæфыд, уый йæ бамбардзæн. Ам цард уæлдай цымыдисагдæр у, иу бон дзы иннæйы хуызæн нæ вæййы. Æрвылбон дæр дзы ног æмæ ног адæмимæ зонгæ кæнгæйæ, иумæ улæфгæйæ хæлардзинад тыхджынæй-тыхджындæр кæны.10 къорды, экскурситæ, спортивон мадзæлттæ, зонадон æмæ хиирхæфсæн программæтæ. Æрбамбырд дзы кодтой тæккæ вазыгджындæр æмæ цымыдисагдæртæ. Уый та уый тыххæй, æмæ лагеры кусджытæ алы сывæллæтты фæлладуадзæн рæстæгмæ дæр тынг бæрнон цæстæй кæсынц. Хъомылгæнджытæн, сæ дзæвгар сты нæ республикæйы ахуырадон уагдæтты студенттæ. Иууылдæр ацыдысты сæрмагонд ахуыртæ. Авд боны сæ æфтыдтой сæ дæсныйады сусæгдзинæдтыл, зонгæ сæ кодтой сæ хæстимæ. Ахуырты фæстæ æрыгæттæн радтой æвдисæндартæ. Ацы сæрд «Металлурдж»-ы цы сывæллæттæ улæфдзысты, уыдонæн суыдзæн цымыдисаг. Уыимæ ма ацы аз лагерь бæрæг кæндзæн йæ 55 азы юбилей. Уымæ гæсгæ лагеры разамонджытæ æмæ кусджытæ уæлдай æхсызгондæрæй цæттæ кодтой ацы бонты рцыдмæ. Фæнды сæ, цæмæй ацы каникултæ сабитæ сæ зæрдыл тынгдæр бадарой. Æнхъæлмæ сæм кæсынц алывæрсыг программæтæ æмæ цымыдисаг фембæлдтытæ. Адмнистрацийы ма зæрдæ бавæрдтой, æппæт æхсызгон сусæгдзинæдтæ ууыл кæй нæ фæуыдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv