Æфсæддонтæ бабæрæг кодтой сывæллæтты хæдзар «Хуры тын»

19-æм хицæн мотоæхсæн бригады æфсæддонтæ Ног Азы бæрæгбоны фæдыл арфæ ракодтой сывæллæтты хæдзар «Хуры тын»-ы хъомылгæнинæгтæн. Сывæллæттæн балæвар кодтой спортивон пуртитæ, хъазæнтæ. Уагдонæн та æрбаластой æрвылбон пайда кæнынæн хъæугæ техникæ æмæ алыхуызон хойрæгтæ. Уымæй уæлдай Митын Дада æмæ Митæ сабитæн бацæттæ кодтой равдыст. Æфсæддонты ныхæстæм гæсгæ ахæм акцитæ ныр фæнд кæнынц æрвылаз аразын. Эдвард Мкртчан, 19-æм ротæйы старшина: «Мах фембæлдыстæм нæ разамындимæ. Уынаффæ рахастам цæмæй сывæллæттæн скæнæм æхсызгондзинад. Ацы аз кæд ацы хорз хъуыддаг фыццаг хатт аразæм, уæд нæ дарддæр фæнды ахæм мадзæлттæ æрвылаз кæнын. Лæвæрттæ скодтам нæхи æмæ æфсæддон хайады номæй. Сывæллæттæн нæ зæрдæ зæгъы, цæмæй рæзой æнæнизæй, хæст ма феной. Цæмæй азæй-азмæ сывæллæтты хæдзары къаддæр хъомылгæнинæгтæ уа. Уый сæйрагдæр у. Цæмæй алы сывæллон дæр ссара бинонтæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv