Дзæуджыхъæуы радон хатт сарæзтой сфæлдыстадон æркаст «Цыкурайы фæрдыг»

Дзæуджыхъæуы базарадон экономикон техникумы абон сарæзтой республикон конкурс «Цыкурайы фæрдыг». Архайдтой дзы районты хистрæкъласон чызджытæ. Бацæттæ кодтой презентацитæ, равдыстой дзы сæ мыггаг, кæнæ хъæу сæрыстыр кæмæй сты, уыдоны тыххæй æрмæджытæ. Уазджытæ базонгæ сты курдиатджын архайджыты сфæлдыстадон куыстытимæ. Аргъ сын кодтой жюрийы уæнгтæ дæр. Сæ фарстатæн чызджытæ дзуапп лæвæрдтой.  Уымæй уæлдай ма, равдыстой куыд арæхсджын сты фæндырæй цæгъдынмæ, кафынмæ æмæ зарынмæ. Сæ курдиатæн æвдисæн сси нæ уацхæссæг Хъуысаты Мадинæ. Дæттæм ын ныхасы бар. Абон та Дзæуджыхъæуы базарадон эканомикон техникумы радон хадт арæзт уыд республикон конкурс «Цыкуырайы фæрдыг». Айларты Дианæ ацы цымыдисаг æркасты тыххæй куы фехъуыста, уæд дзы сфæнд кодта æнæмæнг бацархайын. Йæ ирон æвзаг æмæ литературæйы ахуыргæнæгæн балæгъстæ кодта- бцæттæ мæ кæнгæ. Ахæм ерысты фыццаг архайдта. Нæ фыдæлтæ нын цы хæзнатæ ныууагътой уыдонæн аргъ кæны æмæ тырны цæмæй сæ кæстæртæ ма ферох кæной. Куыд зæгъы, афтæмæй ацы турнирмæ йæхи тынг зæрдææргъæвдæй цæттæ кодта. Сæ арæхстдзинад равдисынмæ конкурсмæ æрымбырд сты районы хистæр къласы ахуырдзаутæ. Сæ курдиат æвдыстой 3 номинацийы. Фыццаг-æмдзæвгæтæ кæсынæй, дыккаг-зарынæй, æртыккаг номинацийы та радзырдтой сæ райгуырæн хъæуы сæрыстыр кæмæй сты уыдоны тыххæй. Уымæй уæлдай ма бацæттæ кодтой презентаци дæр. Уым равдыстой сæ мыггаджы равзæрд. Уымæй уæлдай ма конкурсы архайджытæ фæлварæны хуызы æвдыстой адæмон фысджыты уацмыстæ куыд хорз зонынц, уый. Турниры сæйраг хæслæвæрды та чызджытæ æвдыстой ирон чъиритæ кæнынмæ куыд рæвдз æмæ сæрæн сты, уый. Дзæуджыхъæуы базарадон эканомикон техникумы директоры хæдивæджы ныхæстæм гæсгæ ахæм ерыстæ хъæугæ сты. Кæй зæгъын æй хъæуы скъодадзаутæн хи цæттæ кæнынмæ æххуыс кодтой хистæртæ дæр. Сæ фарсмæ æрбаллæуыдысты сæ ныййарджытæ æмæ ирон взаг æмæ литературæйы ахуыргæнджытæ. Базонгæ сæ кодтой Ирыстоны къультурæимæ, сæ рагфыдæлты равзæрды историйымæ. Уыдонæй уæлдай ма сын раргом кодтой Ирон рагон фынджы сусæгдзинæдтæ. Æрыдоны районы минæвар Гаппуаты Иринæйы ныхæстæм гæсгæ, ахæм ерыстæ рæзгæ фæлтæры ахуыр кæнынц ирон сылгоймаджы æгъдæуттимæ. Нæ республикæйы курдиатджын чызджыты сфæлдыстадон куыстытæн аргъ кодтой жюрийы уæнгтæ. Уыдон уыдысты Цæгат Ирыстоны сылгоймæгты Советы минæвæрттæ, ирон æвзаг æмæ литературæйы ахуыргæнджытæ æмæ республикæйы зынгонд артисттæ. Сывæллæттæ равдыстой сæ арæхстдзтырнындзинад, сæйраг дæр та уый у æмæ зæрдæйы цæхæрæй кæй архайдтой. Жюрийы уæнгтæ куыд фæбæрæг кодтой, афтæмæй нæ республикæйы бирæ курдиатджын сывæллæттæ ис. Зæгъæн ис æмæ архайджыты хсæн цæттæ зарæггæнджытæ æмæ актертæ дæр кæй уыдис. Ахæм сфæлдыстадон ерысы бындурæвæрæг у Дзæуджыхъæуы базарадон –экономикон техникумы директор Æбиты Валерий. Уый бацархайдта цæмæц ацы ерысты фæсивæд разыйæ баззайой. Уæлахиздзауты схорзæхджын кæндзысты зынаргъ лæвæрдтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv