Цæгат Ирыстоны паддзахадон базарадон-экономикон колледжы ахуыр кæны 150 студентæй фылдæр
Цæмæй хæрзад хъæбынтæ фынгыл æрæвæрай, уый тыххæй уал хъуамæ хыссæ раст скæнай. Æппæтæй хуыздæр сын у фыцгæ хыссæ. Уый æнцон тъæпæнгæнæн у æмæ сфыцыны фæстæ дæр фæлмæн вæййы. Лабораторон куысты дыккæгæмкурсонты ахуыр кæнынц хъæрмхуыппытæ æмæ ссадæй хæринæгтæ кæнын. Раст алыг кæнынæй райдай æмæ цæттæ кæныны æмгъуыдæй фæуы — алцыдæр зонын хъæуы. Кулинарон лаборатори базарадон-экономикон колледжы байгом кодтой дыууæ азы размæ. Сифтонг æй кодтой хъæугæ мигæнæнæй. Ныр, дæсны зондамонджыты æххуысæй, студенттæ æрвылбон дæр исты ногдзинæдтæ базонынц. Беслæны раздæры профессионалон училищæ 2021-æм азы сси Цæгат Ирыстоны паддзахадон базарадон-экономикон колледжы æртыккаг корпус. Ам ахуыр кæны 150 адæймагæй фылдæр. Цыппар азы дæр нæма рацæуы, афтæмæй æрыгон хæринаггæнджытæ, кондитертæ райсынц дипломтæ. Арæзтадон факультеты ахуыры æмгъуыд та у афæдз æмæ дæс мæйы. Кусæг дæсныйæдтæн дæр фæнд кæнынц лаборатори байгом кæнын. Беслæны колледжмæ, районæй уæлдай, ссæуынц Кировы районæй æмæ суанг Кæсæг-Балхъарæй дæр. Ам фидарæй зонынц, фидæны рауагъдонты зонындзинæдтæ ахуыры хæрзхъæддзинадæй аразгæ кæй сты, уый. Уый тыххæй йын йæ æмвæзад æппынæдзух уæлдæр кæнынц.
Цæмæй хæрзад хъæбынтæ фынгыл æрæвæрай, уый тыххæй уал хъуамæ хыссæ раст скæнай. Æппæтæй хуыздæр сын у фыцгæ хыссæ. Уый æнцон тъæпæнгæнæн у æмæ сфыцыны фæстæ дæр фæлмæн вæййы. Лабораторон куысты дыккæгæмкурсонты ахуыр кæнынц хъæрмхуыппытæ æмæ ссадæй хæринæгтæ кæнын. Раст алыг кæнынæй райдай æмæ цæттæ кæныны æмгъуыдæй фæуы — алцыдæр зонын хъæуы. Кулинарон лаборатори базарадон-экономикон колледжы байгом кодтой дыууæ азы размæ. Сифтонг æй кодтой хъæугæ мигæнæнæй. Ныр, дæсны зондамонджыты æххуысæй, студенттæ æрвылбон дæр исты ногдзинæдтæ базонынц. Беслæны раздæры профессионалон училищæ 2021-æм азы сси Цæгат Ирыстоны паддзахадон базарадон-экономикон колледжы æртыккаг корпус. Ам ахуыр кæны 150 адæймагæй фылдæр. Цыппар азы дæр нæма рацæуы, афтæмæй æрыгон хæринаггæнджытæ, кондитертæ райсынц дипломтæ. Арæзтадон факультеты ахуыры æмгъуыд та у афæдз æмæ дæс мæйы. Кусæг дæсныйæдтæн дæр фæнд кæнынц лаборатори байгом кæнын. Беслæны колледжмæ, районæй уæлдай, ссæуынц Кировы районæй æмæ суанг Кæсæг-Балхъарæй дæр. Ам фидарæй зонынц, фидæны рауагъдонты зонындзинæдтæ ахуыры хæрзхъæддзинадæй аразгæ кæй сты, уый. Уый тыххæй йын йæ æмвæзад æппынæдзух уæлдæр кæнынц.