Ректоры равзæрстой

Цæгат Кавказы Хæххон-Металлургон институты абон равзæрстой ног ректоры. Уыцы бынат бацахста Юрий Дмитрак. Хъæлæс кæныны агъоммæ ныхасы бар райста нæ республикæйы сæргълæууæг Битарты Вячеслав. Куыд загъта, афтæмæй институт хуыздæр ахуыргæнæндæттæй иуы ном хæссы. Уый тыххæй йæм уæлдай цæст дары. Ректоры бынатмæ æвзæрстой æртæ кандидатæй. Уыдон уыдысты Юрий Дмитрак йæхæдæг, стæй Роман Клюев – промышленнон куыстуæтты электрон ифтонгдзинады кафедрæйы сæргълæууæг æмæ Хæдзарæгаты Еленæ – металлургон автоматизаци æмæ теорийы кафедрæйы разамонæг. Фæлæ æвзæрстыты хæдразмæ сылгоймаг йæ кандидатурæ систа. Афтæмæй сусæгæй хъæлæс кæныны хатдзæгтæм гæсгæинституты ректор ссис Юрий Дмитрак. Йæ ныхæстæм гæсгæ, ахуыргæнæндоны куыстмæ хъæуы ивддзинæдтæ бахæссын æмæ нырæй фæстæмæ ууыл зæрдиагæй архайдзæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv