Аивадуарзджыты цинæн

Белгороды драмон театр Дзæуджыхъæуы равдыста Алексей Толстойы пьесæмæ гæсгæ `вæрд спектакль «Касатка». Ахæм фæсномыг хæссы йæ сæйраг хъайтар Марья Косарева. Ацы спектаклæй райдыдтой, æнæхъæн къуыри чи ахæсдзæн, Белгороды драмон театры уыцы гастрольтæ. Дзæуджыхъæуы ма равдисдзысты ахæм спектакльтæ, куыд «Любовь и голуби», «Куклы» æмæ «Карлик Нос». Уæ зæрдыл уын æрлæууын кæндзыстæм æмæ ма уыйразмæ Цæгат Ирыстонмæ гастрольты ссыдысты æндæр театртæ дæр. Апрелы – Театр на Малой Бронной, сентябры – Курскы драмон театр. Рæхджы ма нæм хъуамæ фæзыной Калининград æмæ Вологдæйы сфæлдыстадон къордтæ дæр. Ирыстойнаг артисттæ дæр бынаты нæ бадынц – гастрольты ацыдысты Курскы æмæ Белгородмæ. Фæнд ма кæнынц Кемерово, Хабаровск, Уляновск æмæ Ижевскмæ ацæуын дæр. Ахæм аивадон фембæлдтытæ ахъаз сты куыд артисттæ, афтæ театрдзаутæн дæр. Белгороды паддзахадон академикон драмон театры аивадон разамонæг Виктор Слободчук: «Артисттæ адæмы ахаст тынг æнкъарынц. Уымæ гæсгæ райстам ахæм агайгæ спектакль. Ис дзы цавæрдæр сусæгдзинад. Ирдæй бæрæг чи нæ дары, ахæм. Артисттæ сæ рольтæ тынг зæрдиагæй ахъазыдысты. Нæ театр у удыл баст, сæйрагдæр дзы у адæмы удыхъæд». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv