Ирон æвзаг æмæ литературæйы хуыздæр ахуыргæнджыты схорзæх кодтой Кады гæххæттытæ æмæ бузныджы фыстæджытæй. Æдæппæтæй 50 ахуыргæнæджы республикæйы алы районтæй. Бæрæгбоны фæдыл уазджытæн бацæттæ кодтой концертон программæ. Сæ курдиат равдыстой музыкалон ансамбльтæ, сывæллæттæ бакастысты æмдзæвгæтæ мадæлон æвзагыл. Мадзалы архайдта премьер Дзанайты Барис. Педагогтæн арфæ ракодта сæ удуæлдай куысты фæдыл.