Закъоны ног домæн

Фæндаггон фыдбылызы бынатæй чи алидза, уый хъуамæ æфхæрд цæуа уголовæн кодексмæ гæсгæ. Ахæм хъуыдыйыл хæст сты Уæрæсейы Мидхъуыддæгты министрады. Паддзахадон Думæмæ бахастой закъоны проект. Ныртæккæ йæм кæсынц депутаттæ. Мидхъуыддæгты министрады кусджыты хъуыдымæ гæсгæ, фæндаггон фыдбылызы бынатæй чи алыгъд, уыдон хъуамæ нозтджын шофырты æмхуызон æфхæрд цæуой. Ныртæккæ та сæ æфхæрынц администартивон кодексмæ гæсгæ. Ног закъон куы сфидар кæной, уæд æфхæрд æййафдзысты æрвонг шофыртæ дæр. Гæнæн уыдзæн æмæ сын уголовон кодексмæ гæсгæ рахæсдзысты ахæстоны 9 азы онг фæбадыны уынаффæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv