„Ыллыаҕыҥ Сахаар ырыаларын»

Муус устар 27 күнүгэр Саха АССР төрүттэммитэ үбүлүөйдээх 100 сылын бэлиэтээн „Чороон“ НАК, улуу киһибит - биллиилээх самодеятельнай композитор, талааннаах мелодист, киэн туттар биир дойдулаахпыт Захар Порфирьевич Винокуров төрөөбүтэ 100 сылыгар аналлаах „Ыллыаҕыҥ Сахаар ырыаларын» Хатыҥ-Арыы нэһилиэгин тэрилтэлэрин кэнсиэрэ. Хатыҥ-Арыы нэһилиэгин тэрилтэлэрэ, оскуола үөрэнээччилэрэ, оҕо уһуйааннарын иитиллээччилэрэ бу күн Захар Винокуров ырыаларын ыллаан көрөөччү биһирэбилин ыллылар. Бу тэрээһиҥҥэ уопсайа 162 киһи, ол иһигэр 39 оҕо кыттыыны ылла.