Уæрæсейы сфæнд кодтой кусгæ къуыри фæкъаддæр кæнын

Ацы къуыри ногæй дзырддаг сси Уæрæсейы кусгæ къуыри 4 боны скæныны фæдыл. Ахæм хъæппæрис разынд Хæдбар профцæдисты федерацимæ. Сæ курдиат бахастой нæ бæстæйы Фæллой æмæ социалон хъахъхъæнынады министрадмæ. Уымæй дæр ма куысты мыздыл куынна фæбæрæг уа, афтæ. Ома сæ курдиат у: мызды бæрц нæ, фæлæ кусгæ бонтæ фæкъаддæр кæнын. Æмæ кæд Уæрæсейы хицауады, гæнæн ис, æмæ йæ фарс рахæцой, уæд Федерацийы Советы уæнгтæ цы хъуыды кæнынц, уый нырма зын зæгъæн у. Хъуыддагыл бакусдзæн Уæрæсейы Фæллойадон æмæ социалон ахастдзинæдты фарстатæ æвзарæг æртæвæрсыг къамис. Æнæуи, ахæм хъæппæрисыл фыццаг хатт нæ дзурынц. Июны ма Уæрæсейы Хицауады сæрдар Дмитрий Медведев дæр йæ хъуыдытæ раргом кодта, уæрæсейæгтæн 4 боны кусгæ къуыримæ рахизын æнцон кæй уыдзæн, уый тыххæй. Уæд архайдта 108-æм Æппæтадæмон фæллойадон конференци, Женевæйы. Йæ ныхасы куыд фæбæрæг кодта, афтæмæй ныртæккæ уый ахсджиаг у, технологон прогресс кæй хонынц, уыимæ æмдзу кæнгæйæ. Фарста бæстон кæй у æмæ адæмы цард зынгæ кæй аивдзæн, уый тыххæй бæрнон адæм иу хъуыдымæ нырма не ‘рцыдысты. Иутæ зæгъынц, зæгъгæ, куысты хæрзхъæддзинадыл рæстæг бæрæг нæ дары. Ахсджиагдæр сты нырыккон разамынддæттæг методтæ æмæ техникон ифтонгад. Уый та аразгæ у кусджытæй нæ, фæлæ куыстдæттæн организациты разамонджытæй. Ома, сног кæной сæ технологон цæттæдзинад. Ацы фарта мах радтам Цæгат Ирыстоны Профцæдисты федерацийы сæрдар Касаты Тамуразмæ. Цы нын загъта, уымæ ма байхъусут. Модернизаци кæй хонынц, уый скæнын та амалхъом адæймæгтæм зынаргъ кæсы. Уыимæ ма, дам, дзы æндæр фæстиуджытæ дæр ис. Уæрæсейы Фæллойадон кодексы куыд нысангонд ис, афтæмæй кусгæ къуыри 40 сахатæй фылдæр хъуамæ ма уа. Ома, фылдæр кусæн закъонмæ гæсгæ нæй.  Каддæр та - цас нæ фæнды, уый бæрц. Уый та ууыл дзурæг у æмæ ныридæгæн дæр фæкъаддæр кæнæн ис куыд кусгæ боны сахаттæ, афтæ кусгæ бонтæ дæр. Фæлæ кустуæттæ ахæм фæткмæ рахизын нæ хъавынц. Ахæм уавæр куы сæвзæра, уæд ахсджиагдæр уыдзæн адæмаг куыд кусæг нæ, фæлæ куыд дæсны специалист. Фæлтæрдджын æмæ куыст иттæг хорз зонæг. Уый фæбæрæг уыдзæн куыд хицæн куыстуæттыл, афтæ æнхъæн экономикæйы уавæрыл. Ацы къабазы экспертты хъуыдымæ гæсгæ, 4 боны кусгæ къуыримæ æнæнмæнг рахиздзыстæм, фæлæ уымæн рæстæг хъæуы нырма. Ацы хъуыддагыл цасфæндыдæр куы дзурæм æмæ кусджыты фæндонмæ куы хъусæм, уæддæр æнæбафиппайгæ нæй: Цыбыр кусгæ къуыримæ нырма адæм цæттæ не `сты. Уый бæрæг у Уæрæсейы æхсæнадон цæстæнгас иртасæг центры бæрæггæнæнтæй дæр. Цы æрфарст сарæзтой, уым рабæрæг уый, æмæ уæрæсейæгтæй 48% разы не сты кусгæ къуырийæ 4 боны саразыныл. Профцæдисты хъæппæрис хицауады къабæзтыл куы ацæуа, уæд хъуамæ уынаффæ рахæссой кусгæ къуырийы - 4 боны куыд æххæст кæндзысты, уый. Хъуыддаг ууыл у æмæ мах цавæр фæзилæнмæ аздахдзыстæм не `ргом. Фæллой кæныны бартæ хъахъхъæнгæйæ æмæ социалон фæдзæхстады домæнтæ хынцгæйæ. Дунейы ахæм фæткæвæрдæн бирæ æвдисæнтæ ис æмæ дзы сæ фылдæпы æнтыстджынæй архайынц. Зæгъæм, Нидерландты къуыри 27 сахаты йеддæмæ нæ кусынц. О, гъер, зæгъæм, Китайы та - 60 сахаты! Тынг куыстуарзаг кæй сты, уый сыл бæрæг у. Цыма мæ къуыри 60 сахаты кусын нæ фæндид! Не `мкусæг Къутæрты Аидæ дæр афтæ зæгъы. Нæ студийы ис абон. Радзурдзæн, æндæр бæстæты къуыри цал боны кусынц, уый тыххæй. Китайы 60 сахаты кусынц, уыимæ ма сын афынæй кæнынæн дæр рæстæг радих кæнынц. Китайы 60 сахаты кусынц, уыимæ ма сын афынæй кæнынæн дæр рæстæг дæттынц.  Уый цæуыл дзурæг у?  Китайы цæрджытæ бирæ дæсныдæр сты, æви кусын фылдæр уарзынц? Бафиппайæн ис уый æмæ сæ куыстуарзондзинад бæрæг у сæ инфраструктурæйыл æмæ технологон райрæзтыл. Фæлæ куыд кусынц, афтæ улæфгæ нæ кæнынц. Уый та æвзæры рдæм бæрæг дары куысты хæрзхъæддзинадыл. Уæвгæ, уым отпукс кæй хонынц, уый тыххæй зонгæ дæр нæ кæнынц. Фæлладуадзæн бонты стæм адæймæгтæ ацæуынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv