Цæгат Ирыстонæй 2019 азы арвыстой, Уæрæсейы арæнты сæрты æнæ закъонæй чи æрбахызт, ахæм 54 фæсарæйна

Уæрæсейы тæрхондоны федералон службæйы пъырыстыфтæ 2019 азы дæргъы Уæрæсейы арæнты сæрты æнæ закъонæй чи æрбахызт, уыдоны, Цæгат Ирыстонæй фæстæмæ аздæхтой æмæ сæ бахæццæ кодтой уадзæн пункттæм. Æдæппæтæй уыдысты 54 фæсарæйнаг адæймаджы. Сæ фылдæр сты Узбекистан æмæ Таджикистаны цæрджытæ, нæ республикæмæ куыстагур чи æрбацыди, ахæмтæ. Уыимæ ма, Гуырдзыстон, Армени æмæ Украинæйы цæрджытæ дæр. Кæй æрцахстой, уыдонмæ Уæрæсейы рæстæгмæ цæрын æмæ кусыны бардæттæг гæххæтытæ нæ уыд. Закъонхалджытæ æрвыст æрцыдысты тæрхондоны уынаффæмæ гæсгæ, Уæрæсейы административон закъонхæлдтыты кодексыл æнцайгæйæ. Тæрхондæтты уынаффæтæ баххæст кодтой æмбæлгæ рæстæг æмæ закъонмæ гæсгæ. Фæсарæнтæй æрбацæуæг адæмы паддзахадон арæнты уадзæн пукттæм æрвитгæйæ æнæнхъæлæджы ницы æрцыд. Уæрæсемæ сын хæстæгдæр 5 азы æрбацæуыны бар нæ уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv