Дзæуджыхъæуы ацыд интеллектуалон хъазт «Битва вузов»

Зондабиты ерыс ацыд уæлдæр ахуыргæнæндæтты хуыздæр студентты 'хсæн. Фыццаг хатт дзы арæзт æрцыд интеллектуалон хъазт «Битва вузов». Архайдтой дзы Хæххон-металлургон æмæ Разамынды институтты, Паддзахадон аграрон æмæ Цæгат Ирыстоны паддзахадон университетты командæтæ - æдæппæтæй уыдысты 15. Хъазт арæзт цæуы 7 хайæ, алы темæтæй фæрстытимæ. Викторинæ арæзт æрцыд федералон агентад «Росмолодежь»-ы хъæппæрисæй. Фæнд æй кæнынц æрвылазон скæнын.