Цæгат Ирыстоны 1 æй 4 æм кълæсты æппæт ахуырдзаутæ ног ахуырадон азы хæрдзысты тæвд хæринаг

Цæгат Ирыстоны 1-æмæй 4-æм кълæсты æппæт ахуырдзаутæ ног ахуырадон азы хæрдзысты тæвд хæринаг. Уыдон сты 40 минæй фылдæр. Уый тыххæй хъусын кæнынц нæ республикæйы ахуырад æмæ наукæйы министрадæй. Йæ разамонæг Людмила Башаринæйы ныхæстæм гæсгæ, иу сихор аходæны аргъ уыдзæн 54 сомы æмæ 50 копеччы. Ныридæгæн кусæг къорд архайы меню саразыныл. Уæ зæрдыл уын æрлæууын кæндзыстæм, 6-æм февралы Паддзахадон Думæйы ахуырад æмæ наукæйы комитет закъоны проектмæ ног æркасты фæстæ бафыста уагæвæрд. Баст у скъоладзаутæн лæварæй цы `мбæлы, уыцы тæвд хæринæгты домæнтимæ. Ивддзинæдты фыст куыд æрцыд, афтæмæй райдиан кълæсты ахуырдзаутæ лæвар тæвд хæринаг боны дæргъы 1 хаттæй къаддæр хъуамæ ма хæрой. Уыимæ ма, менюйы хъуамæ уа тæвд хæринаг æмæ тæвд нуазинаг. Ныр фæрæзты хæрдзты тыххæй куы дзурæм, уæд сæ исдзысты федералон, регионалон æмæ бынæттон бюджеттæй. Афтæ, лæвар аходæнты тыххæй дзуапп дæтдзæн ахуырад æмæ наукæйы министрад. Нæ бæстæйы президенты ныхæстæм гæсгæ, ахæм хъуыддаг хъæуы аразын къæпхæнгай. Регионтæн ацы фарстайыл бакусæн уыдзæн ацы азы 1 сентябрæй - 2023 азмæ. Федералон бюджетæй уый тыххæй рахай кæндзысты 140 милуанæй фылдæр. Абоны бонмæ 208 скъоладзауты хæрæндæттæй 17 сты цалцæггæнинаг, 2 скъолайы та нæй буфет кæнæ хæрæндон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv